10 дугаар сарын 13-ны өдөр Ерөнхий консул Кэ Юушэн Монгол Улсын Дорнод аймгийн Засаг дарга Ш.Ёлтой уулзаж, Хятад, Монголын хилийн бүсийн Монголын талд гарсан хээрийн түймрийн нөхцөл байдалд санаа зовниж буйгаа илэрхийлэв. Тэрбээр Монголын талаас түймрийн нөхцөл байдлын талаар цаг тухайд нь мэдээлж, гал унтраах хүч, хэрэгслийг дайчлан, түймрийг унтраах ажиллагааг эрчимжүүлж, галын тархалтыг зогсоон, түймрийг аль болох богино хугацаанд бүрэн унтраахыг хүсэв. Хятадын тал Монголын талын гал түймэртэй тэмцэх, авран хамгаалах ажиллагаанд идэвхтэй дэмжлэг үзүүлэхэд бэлэн байгааг илэрхийлэв.

Дорнод аймгийн Засаг дарга Ш.Ёл тэрээр тус түймэр нь Дорнод аймгийн Халх гол сумын дархан цаазат газарт гарсан бөгөөд Дорнод аймаг болон хөрш зэргэлдээ хэд хэдэн аймгийн гал унтраах хүч, хэрэгслийг дайчлан, хамтран гал унтраах ажиллагаа явуулж байгааг танилцуулав. Хятадын талаас мөн бие бүрэлдэхүүн оролцуулан дэмжлэг үзүүлсэн бөгөөд одоогийн байдлаар түймрийн нөхцөл байдлыг хяналтад авч, галыг бүрэн унтраах шатандаа хүрээд байгааг онцлон тэмдэглэв. Тэрбээр Хятадын талаас үзүүлсэн хүчтэй дэмжлэгт талархал илэрхийлж, цаашид хээрийн түймрээс урьдчилан сэргийлэх, түүнтэй тэмцэх чиглэлээр хоёр талын хамтын ажиллагааг улам бэхжүүлэхэд бэлэн байгаагаа илэрхийлэв.