6-р сарын 6-7-ны өдрүүдэд Замын-Үүдийн Ширээний теннисний холбооноос зохион байгуулсан тэмцээнд тус сумын ахмад, дунд, залуу, өсвөр үеийн нийт 140 гаруй тамирчин идэвхтэй оролцлоо. Тэмцээний үеэр тамирчид ур чадвараа харуулан, өрсөлдөөний уур амьсгал ширүүхэн байлаа.

БНХАУ-аас Замын-Үүдэд суугаа Ерөнхий консул Кэ Юушэн шагнал гардуулах ёслолд оролцон, тамирчидтай хамт тоглон, ширээний теннис нь Хятад, Монгол  хоёр орны ард түмний нийтлэг сонирхдог спорт болохыг онцолж, Ерөнхий консулын газраас энэхүү тэмцээнийг дэмжиж байгаадаа баяртай байгаагаа илэрхийлж, талуудын спорт, соёлын солилцоог идэвхтэй дэмжинэ гэв.