Ерөнхий консул Кэ Юушэн консулын тойргийн Өмнөговь аймагт айлчиллаа
2025-05-29 22:00
5-р сарын 29-ны өдөр БНХАУ-аас Замын-Үүдэд суугаа Ерөнхий консул Кэ Юушэн консулын тойргийн Өмнөговь аймагт айлчилж, аймгийн Засаг дарга Н.Энхбаттай уулзалаа. Ерөнхий консул Кэ Хятад маягийн орчин үеийн бүтээн байгуулалтын ололт амжилт, ХКН-ын Төв хорооны хөрш орнуудын хамтын ажиллагааны ажлын хурлын талаар, Америкийн тарифын дайны эсрэг Хятад улс эрс шийдэмгий хариу арга хэмжээ авч байгаа талаар танилцуулав. Мөн Өмнөговь аймгийн БНХАУ-тай хамтын ажиллагааг бэхжүүлэх, боомтын холболт, боловсролын салбарын хамтын ажиллагаа, цөлжилтөөс урьдчилан сэргийлэх, тэмцэх, Хятадын хөрөнгө оруулалттай аж ахуйн нэгж, ажилтнуудын хууль ёсны эрх ашгийг хамгаалах зэрэг асуудлаар Монголын талтай санал солилцов. Уг арга хэмжээнд Өмнөговь аймгийн Засаг даргын орлогч, аймгийн ЗДТГ болон холбогдох байгууллагын хэлтсийн дарга нар, Хятадын аж ахуйн нэгжийн төлөөлөл оролцов.
Хурлын дараа Ерөнхий консул Кэ тус аймгийн Тамгын газрын хэвлэлийн албанд ярилцлага өгч, аймгийн ЗДТГ-тай хамтран мод тарих үйл ажиллагаа зохион байгууллаа.
Тэр өдөр Ерөнхий консул Кэ Өмнөговь аймаг дахь Монголын Шинжлэх Ухаан Технологийн Их Сургуулийн багш, оюутнуудад илтгэл тавьж, Хятадын онцлогтой орчин үеийн хөгжлийн загвар, хөрш орнуудын хувь заяаны цогц нэгдэл, Хятад Монголын хамтын ажиллагааны боломж, нэг талыг баримталсан дээрэнгүй үзлийн эсрэг хариу арга хэмжээ авах зэрэг дөрвөн сэдвээр үзэл бодлоо хуваалцаж, оюутнуудад залуу насаа хайрлаж, хичээн суралцаж Хятад Монголын хамтын ажиллагаанд хувь нэмэр оруулахыг хүсэв.
